Талдықорған қаласындағы мешітте ер адам имамды соққыға жыққан

"Маусым айының басында мешіт имамында діни рәсім кезінде деструктивті ағымды жақтаушылар тобымен оқиға орын алған. Қақтығыс рәсім аяқталғаннан кейін мешіт аумағында жалғасты. Ауызша сөзге келіп қалған ерлердің бірі жұдырық ала жүгіріп, дін қызметкерін соққыға жыққан", - деп жазады Алматы облысының ПД.

Полиция шабуыл жасаған адамды ұстады. Ол 33 жастағы діни деструктивті ағымды ұстанушы болып шықты. ӘҚБтК-нің 73-1-бабы бойынша іс қозғалып (Денсаулыққа қасақана жеңіл зиян келтіру) сотқа қарау үшін жолданды. Ер адам жеті тәулікке қамауға алынды.