​Талдықорғанда мас жүргізуші әйел адамды екі баласымен қағып кетті

0
247

Анықталғандай жүргізуші 2017 жылы көлікті ішімдік ішіп жүргізгені үшін жауапкершілікке тартылып, көлік жүргізу куәлігінен айырылған.


​Талдықорғанда мас жүргізуші әйел адамды екі баласымен қағып кетті

ERNUR.KZ. Талдықорғанда ішімдік ішкен көлік жүргізушісі жаяу жүргіншілер жолағында әйел адамды екі баласымен қағып кетті. Оқиға 1 мамыр күні болған, деп жазады ҚазАқпарат.

«Субару Форэстер» көлігінің 54 жастағы жүргізушісі уақытша ұстау изоляторына қамауға алынды. Сондай-ақ, ол көлікті құжатсыз жүргізген. Машинаның мемлекеттік номері де жалған болып шықты. Ал зардап шеккендер түрлі дене жарақатымен облыстық ауруханаға жеткізілді.

«Анықталғандай жүргізуші 2017 жылы көлікті ішімдік ішіп жүргізгені үшін жауапкершілікке тартылып, көлік жүргізу куәлігінен айырылған. Сонымен қатар, темір тұлпар Қырғызстаннан жеткізілген. Және оған жалған мемлекеттік номерді қолданған. Қазір осы фактіге орай Қылмыстық іс қозғалды. Іс Талдықорған қалалық полициясының қарауында», - деп мәлімдеді облыстық Полиция департаменті баспасөз қызметінен.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет