Қазір бүлдіршін интенсивті терапия бөлімінде жатыр.
ERNUR.KZ. Алматы облысының дәрігерлері қолын жұмыс істеп тұрған электр ет тартқышқа турап алған баланы аман алып қалды, деп жазады azattyq-ruhy.kz.
Ақ халаттылар балаға ота жасап, оның қолындағы барлық тамырларын жалғап, дер кезінде көмек көрсетіп үлгерген.
«Талғар аудандық орталық ауруханасының қабылдау бөліміне ауыр оң қол жарақатын алған бір жарым жасар бала түсті. Ол оң қолын жұмыс істеп тұрған электр ет тартқышқа турап алған. Операцияны Талғар аудандық орталық ауруханасының дәрігерлері жасады. Қазір науқас бүлдіршін интенсивті терапия бөлімінде жатыр. Оның жағдайын реаниматолог дәрігерлер бақылап отыр»,- деді Алматы облыстық Денсаулық сақтау басқармасы баспасөз қызметі.
