Өткен жылдан бастап үй тұрғындары өз үйін қоқысқа айналдырған пәтер иесімен мәселені шеше алмаған.
ERNUR.KZ. Павлодар облысы полиция департаментінің бастығы Василий Склярдың атына Мәшһүр Жүсіп көшесіндегі үйдің тұрғындарынан Алғыс хат келіп түсті, деп жазады zakon.kz.
Облыстық полиция департаменті баспасөз қызметінің мәліметінше, өткен жылдан бастап үй тұрғындары өз үйін қоқысқа айналдырған пәтер иесімен мәселені шеше алмаған.
Бұл подъезде тазалық болмағандықтан, тарақандар пайда бола бастады. Орталық полиция бөлімінің учаскелік полиция инспекторлары - полиция капитаны Бауыржан Досымжанов пен полиция лейтенанты Бауыржан Уәлихазинов осы пәтердің тұрғынымен әңгімелесіп, мәселені шешуге көмектесті, - деп жазады үй тұрғындары.
Учаскелік полиция инспекторларының араласуымен пәтерден барлық қоқыс шығарылған.
