Егер нәтижелер оң болса, ауру жұқтырған жұмысшыларды ауруханаға жатқызу үшін қосымша шаралар қабылданады.
ERNUR.KZ. Атырау облысының әкімдігі Теңізде коронавирустың анықталуы салдарынан ушыққан жағдайды түсіндірді, деп жазады zakon.kz.
19 сәуірде "Бірлік" вахталық ауылдағы жұмысшылардың бірінен коронавирус инфекциясы анықталды. Онымен тығыз байланыста болған 35 адам да анықталды Экспресс-тестілеуден өту үшін барлық байланыстағы адамдарды "Болашақ" ауылындағы тұрғын үй кешеніне орналасу туралы шешім қабылданды. Олардың барлығынан теріс нәтиже алынды, деп хабарлады әкімдіктегілер.
19 сәуірде сағат 20.00 шамасында "Болашақ" вахталық кентінде Теңізде жұмыс істейтін 200-ге жуық адам жиналды.
"Науқаспен байланысқа түскен адамдар" дегенді дұрыс түсінбей, оларды коронавирус жұқтырғандар деп қабылдаған басқа вахталық ауылдың жұмысшылары олардың мұнда қоныс аударуына наразылық білдірді. Компания басшылығы және Жылыой ауданының әкімдігі жұмысшылармен кездесіп, сөйлескеннен кейін "Бірлік" вахталық ауылында коронавирус диагнозы бар жұмысшымен байланысқан адамдардың ішінде вирус анықталғандары бірден инфекциялық және уақытша ауруханаға оқшаулау туралы шешім қабылданды. Ал нәтижесі терістері 22 сәуірден бастап жұқмысына қайта кіріседі, деп хабарлады ведомствадағылар.
20 сәуірде таңертең "Теңіз" Сана вахталық ауылында тұратын "Консолидейтед Констракшн Инжиниринг & Прокьюрмент С.А.Л.-Офшор" компаниясы филиалының 500-ге жуық қызметкері жұмысқа шықпады.
"Компания қызметкерлері өздерінің әрекеттерін бұған дейін "Бірлік" вахталық ауылында "коронавирус" диагнозы бар бір адамның анықталғандығы және сәйкесінше өндірістік қызмет кезінде жұқтыру қаупі бар екендігінен қауіптенуімен түсіндірген. Қазіргі уақытта компания басшылығы мен Жылыой ауданының әкімдігі түсіндіру жұмыстарын жүргізіп жатыр, тараптар барлық жұмысшыларды экспресс-тестілеуден өткізіп, нәтижелері жарияланғаннан кейін екі күн өткен соң, теріс талдауы барларды 22 сәуірде, сәрсенбіде, жұмысқа шығару туралы өзара келісімге келді. Компанияның мәліметінше, екі жұмыс күнінінің жалақысы сақталады", - деп атап өтті әкімдіктегілер.
Егер нәтижелер оң болса, ауру жұқтырған жұмысшыларды ауруханаға жатқызу үшін қосымша шаралар қабылданады.
Атырау облысы әкімінің тапсырмасы бойынша облыс әкімінің бірінші орынбасары Серік Шапкеновтің төрағалығымен арнайы жұмыс тобы құрылды, ол қазір Теңіз кенішіне барады, ол Теңіз жұмысшыларын тұрғылықты жеріне жеткізу мәселесімен айналысады.
