Тоқаев: Атаулы әлеуметтік көмек төлеу жалғаса береді

2
425

Еліміздің бірнеше қаласында жағдайы төмен отбасылар атаулы әлеуметтік көмек ала бастағандарын хабарлады.


Тоқаев: Атаулы әлеуметтік көмек төлеу жалғаса береді

ERNUR.KZ. Қазақстан президенті Қасым-Жомарт Тоқаев тұрмысы төмен отбасыларға атаулы әлеуметтік көмек төлеу әрі қарай жалғаса беретінін айтты. Тоқаев атаулы әлеуметтік көмекті "әділетті саясат" деп бағалады, деп жазады azattyq.org.

Қазақстан президенті ел үкіметі жәрдемақы төлеу жұмыстары жайлы өзіне есеп бергенін жазды. Тоқаев үкімет нақты қандай жұмыстар бойынша есеп бергенін ашып айтпады.

Ақпан айында Нұр-Сұлтанда (сол кездегі - Астана) бір отбасының бес баласы өрттен қаза тапқан соң көп балалы наразылық танытып, биліктен жәрдемақы өсіруді талап еткен. 27 ақпанда өткен "Нұр Отан" партиясының съезінде сол кездегі президент Нұрсұлтан Назарбаев үкіметке әр балаға 21 мың теңге көмек сәуірден бастап берілсін деген. Бұл тапсырма негізінде парламент әзірлеген заңға қазіргі президент Қасым-Жомарт Тоқаев сәуірдің басында қол қойған.

Сәуірде көп балалы аналар билікке барып, жәрдемақыға құжат өткізудің қиындығы жайлы айтқан. 30 сәуірде елдің бірнеше қаласында жағдайы төмен отбасылар атаулы әлеуметтік көмек ала бастағандарын хабарлады.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

2 ПІКІР

  1. Қасым Жомарт Тоқаев тек алға көп балалы анамын сізді қолдаймын

  2. Көп балалы отбасылардың алдағы уақытта да назардан тыс қалмайтыны қуанышты хабар. Тоқаев сіздің сайлауда жеңіске жетуіңізге тілектеспін және бастаған ісіңізді алдағы уақытта да жауапкершілікпен атқарады деп сенемін.

Пікір қалдыруыңыз үшін сайтқа кіруіңіз қажет