Тәулік ішінде вакцинаның бірінші компонентін 35 мың адам, екіншісі компонентін 14 мыңға жуық адам алды.
ERNUR.KZ. 27 маусымдағы мәлімет бойынша вакцинаның I компонентін 3 165 155 адам, II компонентін 1 905 062 адам салдырды, деп жазады sputnik.kz.
Алматыда вакцинаның бірінші компонентін 433,7 мың адам, Түркістан облысында - 344,6 мың, Алматы облысында - 326,3 мың, Қарағанды облысында - 224,7 мың, Шығыс Қазақстан облысында - 239,6 мың, Нұр-Сұлтан - 210,58 мың адам алды.
Бір күн бұрын Қазақстанда коронавирусқа қарсы вакцинаның алғашқы дозасын 3 130 000 адам алғаны хабарланды. Бұл ел тұрғындарының 16,1%-і. Вакцинаның екі компонентін 1 891 000 адам – тұрғындардың 9,8%-і алды.
Республикада коронавирусқа қарсы вакциналау 1 ақпаннан басталды. Жалпы алғанда, билік осы жылдың қыркүйегіне дейін 10 миллион азаматқа вакцина егуді жоспарлап отыр, деп мәлімдеді сәуірде премьер-министр Асқар Мамин.
Өткен тәулікте Қазақстанда COVID-тің 1686 жағдайы анықталды.
