Жалақысы төмен қазақстандықтар салықтан босатылады

0
385

Жұмысшы кіріс салығынан босатылу үшін жалақысы 25 айлық есептік көрсеткіштен төмен болуға тиіс


Жалақысы төмен қазақстандықтар салықтан босатылады

ERNUR.KZ. Жалақысы 25 айлық есептік көрсеткіш 60 125 теңгеден аспайтын қазақстандықтар кіріс салығынан босатылады, деп жазады sputniknews.

Былтыр 2 шілдеде Салық кодексіне тиісті өзгертулер мен заңнамалық актілер қабылданған болатын. Жалақысы 25 АЕК-тен аспайтын жұмысшылардың кіріс салығының 90 %-ынан босатылуы туралы нормалар бүгін 1 қаңтарда күшіне енді.

Жұмысшының бірнеше жұмысы болып, әрқайсысында жалақысы 25 АЕК-ке жетпесе, әр жұмыс беруші жеке 90% кіріс салығынан босатады.

Былтыр наурыз айының басында парламентте бес әлеуметтік бастаманы таныстырған Қазақстан президенті жалақысы төмен азаматтарды салық жүктемесінен босату туралы тапсырма берген болатын.

Бұдан бөлек, бүгіннен бастап бизнесмендер үшін салық амнистиясы күшіне енді. Бұл норма бойынша 2018 жылдың 31 желтоқсанына дейін негізгі борышын өтеген салық төлеушілер өсімақы мен айыппұлдан босатылады.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет