Жамбыл облысында коронавируспен күреске бөлінген қаржы жымқырылған

0
524

Қазіргі кезде тергеу амалдары жалғасуда.


Жамбыл облысында коронавируспен күреске бөлінген қаржы жымқырылған

ERNUR.KZ. Жамбыл облысы Денсаулық сақтау басқармасының қызметкерлері індетпен күреске бөлінген қаржыны жымқыру фактісімен күдікке ілінді. Бұл туралы ҚР Сыбайлас жемқорлыққа қарсы іс-қимыл агенттігі 1-ші департаментінің аса маңызды істер жөніндегі тергеушісі Данияр Биғайдаров мәлім етті, деп жазады ҚазАқпарат.


«Жамбыл облысы бойынша Сыбайлас жемқорлыққа қарсы қызмет Жамбыл облысы әкімдігінің Денсаулық сақтау басқармасының лауазымды тұлғаларына қатысты пандемиямен күреске бөлінген бюджет қаражатын медициналық бұйымдарды жоғары бағамен сатып алу арқылы жымқыру фактісі бойынша қылмыстық істі тергеуде. Осылайша, мемлекетке 8 730 560 теңге сомаға залал келтірілді», - деді Д. Биғайдаров Facebook парақшасында өткен онлайн брифингіде.


Қазіргі кезде тергеу амалдары жалғасуда.