Жаңаөзенде ауыз су кесте бойынша беріледі

0
585

Жеке тұрғын үйлердегі бақшадағы өнімді суару үшін тамшылатып суару әдісін қолдану ұсынылды, ол суды үнемдейді.


Жаңаөзенде ауыз су кесте бойынша беріледі

ERNUR.KZ. Маңғыстау облысының Жаңаөзен қаласында ауыз су тапшылығына байланысты су кесте бойынша беріледі, деп жазады sputnik.kz.

"ӨзенИнвест" коммуналдық кәсіпорнының хабарлауынша, жазда тұрғындарды ауыз сумен үздіксіз қамтамасыз етуге су қоры жеткіліксіз.
"Жаңаөзенде және оған іргелес елді мекендерде су тұтынудың күрт артуына байланысты 18 сәуірден бастап және келесі мамыр, маусым, шілде және тамыз айында ауыз су кесте бойынша беріледі", - деп хабарлады компания.
Компания сондай-ақ суды ұтымды пайдалануға шақырды.
Жеке тұрғын үйлердегі бақшадағы өнімді суару үшін тамшылатып суару әдісін қолдану ұсынылды, ол суды үнемдейді. Сондай-ақ құдық немесе су толтыратын ыдысы болғаны жөн.
Ал бұл мәселе Тоқмақтан, Кендірлі демалыс аймағынан магистральдық су құбыры арқылы Жаңаөзен қаласына дейін қуаты тәулігіне 50 мың текше метр тұщыландыру қондырғысының құрылысы аяқталғаннан кейін толық шешіледі. Зауытты іске қосу 2024 жылдың төртінші тоқсанына жоспарланған.