Жарылу қаупі төнген: Жаңаөзенде химиялық реагенттер өртенді

0
508

Жалын жалпы ауданы 120 шаршы метрді шарпыған.


Жарылу қаупі төнген: Жаңаөзенде химиялық реагенттер өртенді

ERNUR.KZ. Жаңаөзен қаласында мұнай-сервис компаниясының аумағында бір тонналық пластикалық резервуарларда сақталған химиялық реагенттер өртенді, деп жазады sputnik.kz.

Маңғыстау облысы ТЖД ақпаратынша, төтенше жағдай 27 наурызда кешкі жетілер шамасында болды.
Ұңғымаларды күрделі жөндеу бойынша қызмет көрсететін мұнай-сервис компаниясының аумағында бір тонналық пластикалық 11 резервуардағы химиялық реагенттер жанған. Өрттен ауыр жүк көлігіне (трал) зақым келді.
Жалын жалпы ауданы 120 шаршы метрді шарпыған. Зардап шеккендер жоқ.
Ведомство хабарлағандай, өрт салдарынан газ тәрізді қауіпті жану өнімдерінің жарылуы және үлкен аумаққа таралу қаупі төнді.
"Өртті сөндіру кезінде химиялық реагенттер сақталған конструкциялар біз мезгілде салқындатылды. Өрт сөндірушілердің үйлесімді жұмысының арқасында өрт сағат 19:13-те сөндірілді", - деп мәлімдеді ТЖ департаменті.
3-дәрежелі тілсіз жауды ауыздықтауға 17 өрт сөндіру қызметінің қызметкері және 4 техника, сондай-ақ "Семсер-Өрт сөндіруші" АҚ және "Өрт сөндіру қызметі-М" мемлекеттік емес өртке қарсы қызметтердің 8 қызметкері мен 2 техникасы жұмылдырылды.
Өрттің себебі анықталуда.