Қазір тергеу амалдары жүргізілуде.
ERNUR.KZ. Жезқазғанда салынып жатқан нысанның аумағынан 11 миллион теңгенің металл пластикалық құбырларын ұрлағандар ұсталды, деп жазады azattyq-ruhy.kz.
Ұлытау аудандық полиция департаментінің мәліметінше, салынып жатқан нысаннан белгісіз тұлғалар металл пластикалық құбырлар ұрлап кеткен. Келтірілген шығын көлемі 11 миллион теңгеден асады.
«Жезқазған қалалық ПБ криминалдық полиция бөлімінің қызметкерлері жедел-іздестіру іс-шараларының барысында металл құбырларды ұрлағанын мойындаған 32 және 37 жастағы Жезқазған қаласының екі жұмыссыз тұрғынын анықтады. Күдіктілер уақытша ұстау изоляторына қамалды, айғақты заттар тәркіленді», - делінген ведомствоның хабарламасында.
