Үкімет отырысында сөйлеген сөзінде министр ведомствоның ұзақ мерзімді перспективаға бағытталған ауқымды жұмыс атқарғанын атап өтті.
ERNUR.KZ. Қазақстандық университеттер smart-университет үлгісіне көшуді жоспарлап отыр. Бұл туралы ғылым және жоғары білім министрі Саясат Нұрбек мәлімдеді, деп жазады tengrinews.kz.
Үкімет отырысында сөйлеген сөзінде министр ведомствоның ұзақ мерзімді перспективаға бағытталған ауқымды жұмыс атқарғанын атап өтті. Осылайша, оқытудың жаңа түрі - онлайн оқыту енгізілді.
"Жоғары оқу орындары Smart-университеттер моделіне көшеді. Бұл студенттің цифрлық бейінін қалыптастыруды, яғни student life track, EdTech цифрлық сервистерін дамытуды, цифрландырудың озық трендтеріне сәйкес процестерді оңтайландыруды көздейді. Coursera, EdX курстарының ауқымы кеңейтілді. Басқару сапасын арттыру және білім беру қызметтерін көрсету мақсатында "Цифрлық университеттің эталондық стандарты" әзірленетін болады", - деді Саясат Нұрбек.
Сондай-ақ, оның айтуынша, жоғары білімнің цифрлық трансформация стратегиясын үйлестіру мақсатында әрбір ЖОО-да цифрлық офицер (CDO) лауазымын енгізу жұмыстары жалғасады.
