Жол опырылып түсті: Алматыда жантүршігерлік апат болды

0
164

Төтенше оқиға Іле-Алатау ұлттық паркі аумағындағы таулы жолда болған.


Жол опырылып түсті: Алматыда жантүршігерлік апат болды

ERNUR.KZ. Ішінде төрт адам бар УАЗ көлігі отыз метрлік жардан құлады. Үш адам жарақат алған, біреуі оқиға орнында қайтыс болды, деп жазады sputniknews.kz.

Трагедияның қалай болғанын полицейлерге УАЗ көлігінің жүргізушісі айтып берді. Ол дәрігерлер тексерген соң апат болған жерге қайта оралды.

Оның айтуынша, олар көлікпен таудағы сазды жолмен жүріп келе жатқан. Кенеттен жол опырылып, жермен бірге көлік жардан құлаған.

Жүргізуші мен екі жолаушы көліктен шығып, төртінші адамды алып шыққан. Ол өзгелерге қарағанда ауыр жарақаттанған. Алғашқы медициналық көмек көрсетілді. Алайда бұл еш нәтиже бермеген. Ер адам жедел жәрдем бригадасы жеткенге дейін көз жұмды. Өзге жолаушылар ауруханаға жеткізілді.

Қазіргі уақытта полицейлер қажетті материалдарды жинап, сотқа дейінгі тексеру жұмыстарын жүргізіп жатыр. Трагедияның нақты себебі анықталатын болады.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет