Жүк көлігі аударылып, 10 метрге ұшып түсті

0
523

Екі көліктің соқтығысуы кезінде жүк көлігінің жүргізушісі ауыр жарақат алды, ол ауруханаға жатқызылды


Жүк көлігі аударылып, 10 метрге ұшып түсті

фото:Sputnik

ERNUR.KZ. Алматыда Момышұлы мен Жаңажол көшелерінің қиылысында шағын жүк көлігі мен жеңіл автокөлік соқтығысты, деп жазады Sputnik.

Куәгерлердің айтуынша, Mazda жүк көлігі Момышұлымен солтүстік бағытта келе жатқан. Бұл кезде Toyota Caldina оған қарсы бағытта жүріп бара жатады. Жеңіл көлік жүргізушісі маневрдің қауіпсіздігіне көз жеткізбестен, Жаңажол көшесіне солға бұрылмақ болып, жүк көлігіне соқтығысқан.

Mazda қатты соққыдан аударылып кетіп, шамамен 10 метрге ұшып түскен. Салдарынан екі адам – жүк көлігінің жүргізушісі мен жолаушысы жарақат алды. Жүргізуші ауруханаға жатқызылды, ал жолаушыны дәрігерлер тексергеннен кейін үйіне жіберді.

Пікір қалдыруыңыз үшін сайтқа кіруіңіз қажет