Мегаполистің ХҚКО-ларында 1,5 млн-нан астам қызмет көрсетілді.
ERNUR.KZ. Алматы ХҚКО-ларының жарты жылдағы жұмысы қорытындыланды, деп жазады inbusiness.kz.
"Азаматтарға арналған үкімет" мемлекеттік корпорациясының қалалық филиалы директорының орынбасары Айнаш Әубәкірова азаматтар арасындағы ең танымал қызмет түрлерін атады.
"Ең танымалы – көлік құралдарын мемлекеттік тіркеу және қайта тіркеу қызметі (512851). Одан кейінгі орындарда ҰКО тіркеу куәліктерін беру және кері қайтарып алу бойынша 261307 қызмет, азаматтарды құжаттандыру – 227178, жүргізуші куәлігін беру – 159516, республикада уақытша жүрген тұлғаларға ЖСН қалыптастыру – 69790 қызмет", - деді ол Өңірлік коммуникациялар қызметінде өткен брифингте.
