Бүйректің дертін жемістермен "шайып" жіберуге болады

Фото O-gipertonii.info

Біздің ағзамыздың ең маңызды мүшелерінің бiрi – бүйрек. Оның жұмысы бұзылса, онда адамның көру жүйесi нашарлап, созылмалы шаршап-шалдығуға ұшырайды. Сол себептi де болашақта осындай келеңсiздiктерге бой алдырмас үшiн бүйрекке де ем жасау керек. Бүйрек жұмысын артық шығын шығармай-ақ үй жағдайында жақсартуға болатын мынадай тәсiлдердi ұсынамыз. Алдымен бүйректің жұмысының неден бұзылатынын біліп алыңыз.

Ең бiрiншi бүйректiң қызметi дұрыс тамақтанбаудың әсерiнен бұзылады. Оның iшiнде сапасыз тағамдарды тұтынғаннан, тазартылмаған суды iшiп, iшiмдiк пен темекiге әуестiктен, әсiресе сыраны көп iшкеннен де бүйрек жұмысы нашарлай.

Бүйректi шаюды бастамас бұрын дәрiгерге көрiнiп, онда тастың бар-жоғына және оның көлемiн анықтап алу шарт. Егер де бүйректегi тастың үлкендiгi 1 мм немесе одан да үлкен болса, онда бүйректi тазартудан бас тартқан абзал. Ал, керiсiнше болған жағдайда тазалауды бастауға болады. Бiрақ мұндай емдiк шараны қолданған кезде бел тұсыңыз ауырып, зәр шығарғанда аздап қиналуыңыз мүмкiн. Дегенмен мұның бәрi емнiң әсер етiп жатқанын бiлдiредi. Осылайша бүйректегi құмдардан мен жиналған шлактардан арыласыз. Ендеше дайын болсаңыз, бүйректi тазалауды бастаймыз. Ол үшін:

1. Бiрiншi күнi тек су iшесіз.

2. Екінші күні көкөнiстер мен жемiстердi көбірек жеп, су ішуді жалғастырыңыз.

3. Түрлi жемiс шырындарын да iшуге болады.

4. Ең бастысы, кез келген тағамды аз-аздан жеуге әдеттеніңіз. Сонда ғана тағам жақсы сiңiп, ешқандай шлактарды болдырмайды. Тек түнгi уақытта, яғни, ұйқыға жатарда тамақтанбасаңыз болғаны.

* Негізінде қарбыздың көмегiмен бүйректi тазалау оңай әрі қолжетімді. Бірақ бұл тек қана тамыз-қыркүйек айлары мен қазан айының бас кезiнде ғана жүзеге асырылады. Осы уақытта бiр апта бойы тек қарбыз бен қара нан жеп отыру қажет. Осы уақытта зәрдiң түсi өзгерiп, бойыңызды әлсiздiк билеуi тиiс. Бiрақ та қарбызбен емдәм ұстанғанда мұндай белгiлер байқалмаса, тағы да бiр аптаға жалғастыруға болады.

Ал қарбыздың қабығын тастамаңыз. Оны майдалап, пешке салып кептiрiп алу керек. Сосын қыстың күнiнде кептiрiлген қабықтардан несеп айдайтын шай демдеп iшуге болады.

* 1-2 апта бойы балғын әрі тұзсыз қияр жеңіз.

* Сонымен қатар қайнатылған картопты жеу де ұсынылады. Алайда ешқандай тұз қоспау керектігін ұмытпаңыз.

* Бүйректi тазалаудың ең тиiмдi тәсiлi құлпынай шырыны болып табылады. Ол үшiн құлпынайды немесе бүлдiргендi банкiге салып, бетiне қант ұнтағын себiңiз. 1 келi жидектерге 100 грамм құмшекер қажет болады. Сосын банкiнi тоңазытқышқа қойыңыз. Осыдан пайда болған шырынды тамақтан 20 минут алдын жарты стақаннан iшiп отыру керек. Мұндай шырынды қыста да дайындап iшуге мүмкiндiк бар.

1 келi жидекке жарты келi қант қосып, қояды да, iшуден алдын бiрдей көлемде сумен араластырасыз. Осындай тәсiлдердi уақытылы әрi тиiмдi пайдалансаңыз, бүйрек тазаланып, оның жұмысы да жақсара түсетiнi сөзсiз.

Бүйректi тазалау кезiнде мына тағамдарды шектеңіз:

– ащы әрi түрлi дәм беретiн дәмдеуiштер мен ақжелкектi, қышаны;

– қою кофе және алкогольдi iшiмдiкті;

– шоколад пен түрлі пiсiрмелерді;

– қақталған, сүрленген, тұздалған, консервiленген тағамдарды;

– майлы ет пен балықты да жеуге болмайды.

Ләззат Ахметова,

ERNUR. KZ