Динара, Дильназ, Дана және Ләйлә... Келер жылы ана атанатын жұлдыздарды білесіз бе?

0
699

Келер жыл отандық шоу-бизнесте «Baby boom» болмақ!


Динара, Дильназ, Дана және Ләйлә... Келер жылы ана атанатын жұлдыздарды білесіз бе?

Отандық шоу-бизнестегі біраз жұлдызды шаңырақты келер жылы сәбидің үні тербейді. Мәселен алтыншысына аяғы ауыр екенін жарты жылға жуық жасырып келген Динара Сұлтан, енді бұл жаңалықты құпия сақтаудың негізін көрмеген секілді. Әнші инстаграмдағы парақшасына жүкті екенін жазып, бес балапанымен жеткен жетістіктерін тізбектеп, пост қалдырған. Бұл туралы НТК арнасындағы Ревю бағдарламасында айтылды.

«Алла қаласа, бұл нәресте де өз несібесімен келеді. Алдымыздағы жыл жаңа проект пен қызықтарға толы. Дүниеге келген сәби – ол жаңа өмір, жаңа тыныс, мен үшін үлкен стимул», - деп жазады Динара Сұлтан.

Ал 39 жасында тұңғышына аяғы ауырлаған Дильназ Ахмадиева Динара секілді жұрттан сүйінші сұрамаса да, жүктілігін жасырмады. Керісінше түрлі түсірілімдерге қатысып, халық арасында концерттердің көркін кіргізіп жүр. Желіде әншіге жақсы тілектерін жаудырып, тезірек аман-есен бауырын қолына алуды тілеп жатқандар жетерлік.

Өткен жылы ғана ата-ана атанған Дана Есеева мен Мейіржан Төребаев бесінші сәбилерін тағатсыздана тосып жүр! Бірақ жұлдызды жанұя жағымды жаңалықтарымен бөлісуге асықпайды. Дананың домаланған ішіне қарап жанкүйерлері өз жорамалдарын жасап қойған.

Ал өмірдің жеңісі мен жеңілісін қатар көріп жүрген Ләйлә Сұлтанқызының расында да жұрттан жасырғаны бар секілді. Кең етекті, қою түсті көйлектер киіп жүргізуші өзінің артық салмағын емес, басқа сырын құпияда қалдырғысы келетін сияқты.

Бақытын баламен өлшейтін қазақ үшін бүлдіршіндердің күлкісі мен шырылынан асқан бақыт жоқ. Келер жылы тағы бір рет ана атанатын жұлдызды арулардың жаны қалсын деген тілек біздегі.

Пікір қалдыруыңыз үшін сайтқа кіруіңіз қажет