Ернар Айдар: "Концертіме келген халық әнімді менімен бірге шырқайды"

0
1 491

Жігер Ауыпбаев "Бізге де жұғысты" болсын тіледі.


Ернар Айдар:

Белгілі хит әндердің орындаушысы Ернар Айдар өзінің әндерін халық бірге қосыла шырқайтынын айтып, шүкірлік етті.

Қазір гострольдік сапармен ән кештерін өткізіп жүрген әнші желіге видеосын жүктеп, "Менің қатты қуанғаным, осы беріп жүрген концерттерімде келген xалық көптеген әнімді менімен қосылып шырқады, әншінің бақыты осы емес пе? Осындай бақытқа бөлеген, әуелі Алла, сосын сіздерге көп раxмет" деп жазды.


Жазбаның астына концертте болғандар да сөзін растап пікір білдірген. "Бақытың өрлей берсін балам. Мен сенің әндеріңді өте жақсы көріп тыңдаймын.Ата-анаң аман болсын!", "Ақтөбе қаласындағы концертіңді көріп біраз демалып қалдық", "Айналайын, Ернар! Өте қарапайым әншісің, Бақытты бол! Бірінші байлығың да, екінші байлығың да тек қасыңнан кетпесін. Жан анаң аман болсын! Алланың назарында бол! Үнемі халықпен санасып жүр, одан жаман болмайсың!" деп тілектестіктерін білдірген тыңдармандарымен бірге Ернарға өкпесін айтқандар да бар екен. Олар әншіден халықтың арқасында осылай жүргендіктен тойға келу бағаңды азайтқаның дұрыс болар еді дегенді қолқалайды. Бірақ әнші жазба салғанымен ешбір пікірге жауап жаза қоймаған. Тек өнердегі досы Жігерге ғана жауап жазыпты.

Фото: ernaraidar_kz

ERNUR.KZ

Пікір қалдыруыңыз үшін сайтқа кіруіңіз қажет