"Өнер қырандары" театры шымкенттік көп балалы отбасына үйдің кілтін табыстады

09.12.2018 16:05

3 623

"Өнер қырандары" театры: "Шымкенттегі концертіміз өзгеше өтті"

Көпшіліктің сүйікті театрына айналған "Өнер қырандарына" биыл он жыл толып отыр. Жаңашылдық пен креативке құштар театр ұжымы бұл мерейтойды ерекше атап өтпекші.

Еліміздің әр аймағына концерт беріп, өздерінің тұрақты көрермендерін түрлі сыйлықтармен қуантпақ. Сондай-ақ "ХАРЕКЕТ ҚАЙЫРЫМДЫЛЫҚ ҚОРЫНЫҢ" мұқтаж жандарға баспана сыйлайтын "1000 теңгеге Баспана" атты жобасының аясында әр өңірдегі түрлі жағдайдағы отбасыларға үй тарту етпек.

Алдымен Шығыс өңірді, одан кейін Талдықорған мен Таразға барған театр кеше Шым қалаға қонақ болды.

Әр өңірдегі концерттері аншлагпен өтетін театр үшінші мегополисте де үш сеанспен қойлым қойды. Оның үшеуінде де зал лық толы, көрермендердің қошеметі ерекше болды.

Кеш соңында театр ұжымы "ХАРЕКЕТ ҚАЙЫРЫМДЫЛЫҚ ҚОРЫНЫҢ" мұқтаж жандарға баспана сыйлайтын "1000 теңгеге Баспана" атты жобасының 50-ші баспанасының кілті Мақтаарал aуданы, Атакент елді мекенiнiң тұрғыны, 10 баланың анасы Гүлнар Керімбековаға табыстады.

Өнер ұжымы бұл шараға өз ұлестерін қосып, қолдау көрсеткен Бегайдар және Ахметжан ұстаздарға және "Харекет" қорының барша еріктілеріне алғыстарын айтты.