Ол өз ісін толығымен мойындады.
Шымкент қаласында алаяқтық жасаған әйел 3 жылға сотталды, деп хабарлайды ERNUR.KZ.
Бұл туралы Шымкент қаласы полиция департаментінің баспасөз қызметі мәлімдеді.
"Жергілікті тұрғын ақша табу жолында екі азаматқа оқуға бармай жоғарғы оқу орнының оқуын оқығаны туралы диплом құжатын алып беруге және оқу кезеңінде болатын емтихандарды тапсырмай өтуіне көмектесе алатынын айтып, сенімдеріне кірген. Осылайша жастардан 100 000 теңге және 70 000 теңге қолма-қол алған. Кейіннен оқу жылдары аралығында емтихандардан өту үшін жәбірленушілерден бөліп-бөліп, әрқайсысынан 800 000 теңгеден алып, бас пайдасына жаратқан", - делінген баспасөз хабарламасында.
Білікті мамандардан құрылған тәртіп сақшылары шұғыл іздестіру жұмыстарын жүргізіп, куәгерлерден жауап алып, ақша аударымдары тексерілді. Нәтижесінде жедел уәкілдер оқу орнының бұрынғы қызметкері болған күдіктіні анықтап, ұстады. Ол өз ісін толығымен мойындады.
Қылмыстық іс дәлелденіп, ҚР ҚК-нің 190-бабы 3-бөлігінің 3-тармағында (екі немесе одан да көп адамға қатысты жасалған алаяқтық) көрсетілген қылмыстық құқық бұзушылықты жасағаны үшін кінәлі деп танылып, сот үкімімен үш жыл мерзімге бас бостандығын шектеу жазасы тағайындалды.
