ШЫМКЕНТ: 71-ші автобустың мәселесі шешілді

0
171

Бұған дейін тұрғындар "қатырамыз деп қатырып кетеді" деп шенеуніктерге ренішін айтқан болатын.


ШЫМКЕНТ: 71-ші автобустың мәселесі шешілді

Шымкент қаласы Бозарық ауылы мен Бозарық саяжайындағы автобус мәселесі шешіліп, жаңа қоғамдық көліктер уақытылы жүріп жатыр, деп хабарлайды ERNUR.KZ.

Шымкенттің шетіндегі Бозарық елдімекеніне бүгіннен бастап №171 бағыттағы жаңа 12 автобус 15-20 минут уақыт аралығымен жүре бастады. Ал, ауыл тұрғындары болса, басты мәселелерінің шешілгеніне қуанып сүйінші сұрауда.

Атап айтсақ, жаңа бағыттағы автобус «Бозарық – Еламан – Тұран – Қайнар – Ипподром – Зообақ – Тұлпар – Дендросаябақ – Нұрсәт шағынауданы – Айқап 1,2 – Дулати – Тоқыма фабрикасы – Кең баба – Орталық базар – АР3 – Темір жол вокзалы» бағыты бойынша қызмет көрсетеді.

Айта кетейік, бұған дейін ауыл тұрғындары №71 автобусты аялдамада 1 сағаттан аса күтіп тұратынына шағымданып, ERNUR.KZ тілшісі арнайы барып танысып қайтқанын және жауапты басқарманың жақын арада жаңа автобустар жүргізетінін жариялаған болатынбыз.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет