Балаларға демеушілер есебінен сый-сияпаттар тарту етілді.
Қазақстан Республикасының Тәуелсіздігінің 30 жылдығы аясында Шымкент қаласы Қазығұрт шағын ауданы тұрғындарының игілігіне екі спорт алаңшасы берілді, деп хабарлайды ERNUR.KZ.
Нысанның ашылу салтанатына Абай ауданының әкімі Б. Парманов, қалалық мәслихат депутаты Қ.Даулеталиев, Nur Otan партиясының Абай аудандық филиалының өкілдері, аудандық ардегерлер кеңесі, әжелер алқасы және ауыл билері мен тұрғындар қатысты.
Шара барысында аудан әкімі Б.Парманов «1 желтоқсан – Қазақстан Республикасының Тұңғыш Президенті күні» мерекесімен қатысушыларды құттықтады. Аудан әкімі тұрғындарға аудан аумағында желтоқсан айында 21 балалар алаңшасы және 33 спорт алаңшасының ашылатындығын жеткізді.
Сонымен қатар, ел ағалары халықтың игілігіне берілген спрот алаңшасының лентасын қиып, балаларға демеушілер есебінен сый-сияпаттар тарту етті.
