Шымкент: Әл-Фараби алаңы мен Арбатта дезинфекция жасалды

0
87

Шаһардағы басқа да профилактикалық шаралар қатаңдатылған.


Шымкент: Әл-Фараби алаңы мен Арбатта дезинфекция жасалды

Шымкентте Әл-Фараби алаңы мен Арбатта дезинфекция жасалды, деп хабарлайды ERNUR.KZ.

Елімізде жарияланған төтенше жағдайға байланысты Шымкент қаласындағы бірқатар нысандарда дезинфекциялау жұмыстары жүргізілді. Атап айтқанда, Әл-Фараби алаңы, Орыс драма театрының маңайы және Арбат демалыс аймағында сақтық шаралары күшейтілді.

Жалпы, қалада медицина мамандары коронавирустың алдын алу мақсатында күшейтілген жұмыс режимде жұмыс істеуде. Дәрігерлер қаладағы ХҚКО-ның 11 бөлімшесінде кезекшілікке түсіп, орталыққа келген азаматтарға медициналық көмек көрсетуде. Мұнда санитарлық-эпидемиологиялық талаптар қызмет талабына сай жүргізілуде.

Шаһардағы басқа да профилактикалық шаралар қатаңдатылған. Бүгін Шымкент қаласына кіретін-шығатын автожолдарда 12 санитарлық бекет қойылды.

Қазіргі таңда Шымкенттегі полиция мен медицина қызметкерлері күшейтілген режимге көшті. Мамандар әр көлікті тоқтатып, арнайы құрылғымен азаматтардың дене қызуын өлшеп, тексеруде.

Пікір қалдыруыңыз үшін сайтқа кіруіңіз қажет