Шымкент қаласында жаңа наубайхана іске қосылады

Шымкентте соңғы кездері наубайхана өндірісіне қызығушылық артып келеді. Бұл салаға маманданған жеке кәсіпкерлер кәсіптің қыр-сырын меңгеріп, тұрғындарды жұмыспен қамтып отыр, деп хабарлайды ERNUR.KZ.

Бүгінде Қаратау ауданы 330 кварталда орналасқан «Темиршиков» ЖК-нің нан-тоқаш өнімдерін өндіретін наубайхананың құрылыс жұмыстары жүргізілуде.

Жалпы аумағы 7200 шаршы метрді құрайтын наубайхана тәулігіне қуаттылығы 90 мың дана нан өнімдерінің түрлерін өндіруге бағытталған. 65 мың дана әлеуметтік нан (қалыпты бөлке нан) шығаруға әлеуетті.

Жобаның жалпы құны - 200 млн теңге. Кәсіпкерлік нысанды ағымдағы жылдың желтоқсан айында іске қосу жоспарланып отыр. Аталған жоба бойынша 100-ден аса адам жұмыспен қамтылады.