ШЫМКЕНТ: Реновация бағдарламасы бойынша тұрғындармен кездесу өтті

0
311

Кездесу барысында реновация бағдарламасына қатысты түсіндірме жұмыстары жүргізілді.


ШЫМКЕНТ: Реновация бағдарламасы бойынша тұрғындармен кездесу өтті
Шымкент қаласы Абай ауданына қарасты Гагарин көшесінде реновация бағдарламасы бойынша тұрғындармен кездесу өтті, деп хабарлайды ERNUR.KZ.
Кездесу барысында реновация бағдарламасына қатысты түсіндірме жұмыстары жүргізілді.
Реновация бағдарламасының талап шарттарына сәйкес, жиналысқа тұрғын үй пәтерлері меншік иелерінің жалпы санының кемінде үштен екісі қатысса, жиналыс заңды деп есептеледі. Жиналыс шешімімен келісім берілген жағдайда, авариялық тұрғын үйлердегі тұрғын үй-жайлардың меншік иелеріне ауданы бойынша бірдей, бірақ бір бөлмелі пәтерден кем емес мөлшерде жаңа пәтерлер беріледі. Сондай-ақ, пәтер беру кезінде пәтерлердің техникалық төлқұжаттарына сәйкес, Қазақстан Республикасының заңнамасында белгіленген құрылыс нормаларына, сондай-ақ нормативтік құқықтық актілерде белгіленген талаптарға сәйкес, пәтердің жақсартылған әрлеуде болуы, көп пәтерлі үйлерде азаматтардың аз мобильді топтары үшін, оның ішінде пәтерде жағдай жасалуы сынды бірқатар талаптар сақталады.
Реновация бағдарламасы әкімдіктің қаулысымен бұған дейін бекітілген болатын. Бүгінде аталған бағдарлама жаңа редакцияда қайта қаралуда. Осының аясында тұрғындардың келісімімен түбегейлі жаңартылатын тұрғын үйлердің тізбесі анықталып, іске асыру көзделген.

Айта кетейік, қазіргі таңда көппәтерлі тұрғынүйлерді реновациялау мақсатында «Shymkent» әлеуметтік кәсіпкерлік корпорациясы» АҚ-мен әлеуетті инвестор «KazSMU» ЖШС арасында ынтымақтастық туралы меморандум түзілді.