ШЫМКЕНТ: Су айдындарында 120-ға жуық тыйым салу белгілері орнатылды

0
926

19 000-нан астам үгіт өнімдері (парақшалар, жадынамалар, брошюралар) таратылды.


ШЫМКЕНТ: Су айдындарында 120-ға жуық тыйым салу белгілері орнатылды

Шымкент қаласындағы су айдындарында 120-ға жуық тыйым салу белгілері орнатылды, деп хабарлайды ERNUR.KZ.

Бұл туралы Ақпараттық-коммуникациялық орталығында өткен брифингте Шымкент қаласының Төтенше жағдайлар департаменті Азаматтық қорғаныс басқармасының бастығы, капитан Н.Қаракөзев мәлімдеді.

Брифинг барысында Нұржан Нұрханұлы судағы жазатайым оқиғалардың негізгі себептерін атап өтті.

– Жабдықталмаған, тыйым салынған жерлерде шомылу, балаларды ата-анасының қарауынсыз қалдыру, жеке құтқару құралдарынсыз балық аулау, шомылу кезінде өз күштерін жете бағаламау, жүзу құралдарын (катамаранды) құтқару кеудешелерінсіз пайдалану. Осы салдардың барлығы жазатайым оқиғаларға алып келеді, – деді спикер.

Сонымен қатар, қауіпсіз жүріс-тұрыс мәдениетін қалыптастыру мақсатында оқу орындарында интерактивті сабақтар, жиындар өткізілді. Қала көшелерінде 45 билборд, су айдындарында 120-ға жуық тыйым салу белгілері орнатылды. Сондай-ақ, 19 000-нан астам үгіт өнімдері (парақшалар, жадынамалар, брошюралар) таратылды.