Әлеуметтік жағдайы төмен 13 көпбалалы отбасына газ дабылқаққыш құрылғысы орнатылды.
Шымкент қаласы Еңбекші ауданында қысқы жылу маусымына тиісті дайындық жұмыстары жүргізілді, деп хабарлайды ERNUR.KZ.
Жалпы аудан аумағында 530 көпқабатты тұрғын үйлер орталықтандырылған жылумен қамтамасыз етілген. Оның ішінде 353 үй 9 сервистік компаниямен келісімшарт түзген, ал қалған 177 үй қысқы жылу маусымына өз күштерімен дайындалды.
Қазіргі таңда аудан аумағындағы орталықтандырылған жылумен қамтамасыз етілген 530 көпқабатты тұрғын үйлер жылу маусымына дайын және толық жылуға қосылды. 1330 үй 4652 тонна көмірмен қамтылған (99,8%).
2021-2022 жылғы қысқы жылу маусымында көпқабатты және жеке тұрғын үйлерде құрылғыларды қауіпсіз пайдаланып, газбен уланудың алдын алу және тұрмыстық өрт қауіпсіздігін сақтау мақсатында рейдтік іс-шаралар ұйымдастырылып, түсіндіру жұмыстары жүргізілді.
Сондай-ақ, демеушілер тарапынан әлеуметтік жағдайы төмен 13 көпбалалы отбасына газ дабылқаққыш құрылғысы орнатылды.
