Шымкентте экс-депутат Сатыбалды Ибрагимов қайтыс болды

0
228


Шымкентте экс-депутат Сатыбалды Ибрагимов қайтыс болды

ERNUR.KZ. Бүгін, қасиетті жұма күні Қазақстанның тәуелсіздігіне өлшеусіз үлес қосқан танымал тұлға Сатыбалды Ибрагимов көз жұмды.

Бүгін, қасиетті жұмада қазақтың аяулы ұлдарының бірі, тәуелсіз еліміздің өсіп-өркендеуіне мол үлес қосқан Сатыбалды Ибрагимов ағамыз өмірден озды.

Сатыбалды ағаның ең соңғы сөзінің өзі еліне арналды. Шымкент қаласының әкімі Ерлан Айтаxановтың зиялы қауым өкілдерімен кездесуінде сөз алған аяулы аға бүгінгі қоғамға қажет мәселелерді қаузап отырып, жүрегі кенеттен тоқтап қалды.

Сатыбалды Тілемісұлы Ибрагимов 13.03.1940 жылы Сайрам ауданы Қарасу ауылында дүниеге келген. Экономика ғылымының докторы, ғалым, ҚР Парламенті Мәжілісінің экс-депутаты Украинада №8 кәсіптік-техникалық училищені (1959), Мәскеу қаласындағы П. Лумумба атындағы Халықтар достығы университетін бітірген. Еңбек жолын Елбасы – Тұңғыш Президентіміз Нұрсұлтан Әбішұлы Назарбаевпен Теміртауда бірге еңбек етіп, отандық металлургияның өркендеуіне зор үлес қосты. Теміртау қаласындағы Қазақстан магниткасында болатқорытушы болып бастап, түрлі басшылық қызметтер атқарды. 1988 – 2000 жылдары «Қазақаймақ» фирмасының вице-президенті, «Кармет-Оңтүстік» фирмасының президенті, бас кеңсесі Лондон қаласындағы «Успатниттің» Теміртау қаласындағы өкілі, «Қазхром» компаниясының президенті қызметтерін атқарды. Еуроазиялық өндірістік ассоциация төралқасының мүшесі.

Дереккөз: "Шымкент келбеті" газетінің ресми парақшасы


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет