Шымкентте қала күніне орай 50-ден аса мәдени іс-шара өтеді

0
483

Мерекелік іс-шаралар 15-20 маусым күндері аралығында өтеді.


Шымкентте қала күніне орай 50-ден аса мәдени іс-шара өтеді

Шымкент қаласында қала күніне орай 52 маңызды мәдени іс-шара өтеді, деп хабарлайды ERNUR.KZ.

Шымкент қалалық Мәдениет, тілдерді дамыту және архивтер басқармасының басшысы Есенова Ханзада бұқаралық ақпарат құралдарына арнайы брифинг берді. Жиында басқарма басшысы 19 маусым – Қала күніне орай өткізілетін іс-шаралардың дайындық барысы жөнінде баяндады.

Мерекелік іс-шаралар 15-20 маусым күндері аралығында өтеді. Білім, мәдениет, спорт, денсаулық салалары бойынша 5 локацияда 52 іс-шара және театрлық сахнада 2 – премьера, 22 - қойылым өткізу жоспарлануда. Сондай-ақ , шаһарға Мәдениет және спорт министрлігіне қарасты елдегі жетекші театрлары мен филармония ұжымдары шаһарға гастрольдік іс-сапармен келеді деп күтілуде.
Қала күніне орай Абай кітапханасы, Орталық балалар кітапханасы және «Шым қала» тарихи-мәдени кешені барысында 3 музей ашылады.
Айта кетейік 18, 19, 20 маусым күндері қатарынан үш күнде тұрғындар мен қонақтар Шымкент қаласындағы барлық театрда қойылымдарды тегін тамашалай алады. Бір апта өтетін іс-шаралар санитарлық талаптарды сақтай отырып, Ashyq қосымшасын іске қосу арқылы өтеді.