Қалада карантин 7 желтоқсанға дейін ұзартылды
Шымкент қаласында карантин 7 желтоқсанға дейін ұзартылды, - деп хабарлайды ERNUR.KZ.
Жаңа қаулыға сәйкес, қоғамдық көліктің жұмысы 23.00-ге дейін ұзартылады. Бір отбасы мүшелерін қоспағанда, үш адамнан артық жүруге тыйым мен 65 жастан асқан адамдардың көшеге шығуына шектеу сақталады.
Атап айтқанда, мына жерлердің жұмысы бұрынғыша тоқтап тұр:
- 50-ден аса отыратын орны бар қоғамдық тамақтандыру объектілерінің (асхана, дәмхана6 кофе, мейрамханалардың және басқа да мекемелердің);
- саны 15 адамға дейінгі кезекші топтарды қоспағанда, барлық мектепке дейінгі ұйым;
- ойын-сауық объектілері (түнгі клубтар, көрмелер, бильярд және компьютерлік клубтар, балалар ойын алаңдары, жабық үй-жайлардағы батуттар және басқалар);
- оқу-жаттығу сабақтарын қоспағанда, бассейндер;
- ойын мекемелері, казино, құмар ойындар өткізілетін ғимараттар, үй-жайлар, құрылыстар.
Жаңа қаулы 22 қарашада 7:00-ден бастап күшіне енеді.
