Шымкентте мектеп аумағында тыр жалаңаш жүрген ер адам ұсталды

фото: әлеуметтік желіде тараған видеодан алынды

Шымкент қаласында мектеп аумағында тыр жалаңаш жүрген ер адам ұсталды, деп хабарлайды ERNUR.KZ.

Бұл туралы Шымкент қаласы полиция департаментінің баспасөз қызметі мәлімдеді.

“Әл-Фараби ауданы Полиция басқармасының учаскелік инспекторлары таңертең мектеп аумағында жалаңаш жүрген ер адамды анықтады. Азамат Шымкент қаласының тұрғыны”, - делінген баспасөз хабарламасында.

Қалалық полиция басқармасының мәліметінше, аталған азамат психоневрологиялық диспансерде есепте тұрады екен. Бір ай бұрын ер адам ауруханадан шығарылған көрінеді. Бүгін ол қайтадан ауруханаға жатқызылыпты.