Шымкентте мектепке тапаншамен келген оқушы ұсталды

Шымкенттегі мектептердің бірінде оқитын оқушы сабаққа тапанша алып келген, деп хабарлайды ERNUR.KZ elitar.kz порталына сілтеме жасап.

Шымкент қаласы Полиция департаменті жүргізіп жатқан "Жасөспірім" рейдтік іс-шарасы барысында 9 сынып оқушысының сөмкесінен травматикалық тапанша табылды.

"25 қараша күні рейд барысында мектеп аумағын тексеру кезінде оқушының сөмкесінен қару табылды. Қазіргі уақытта тергеу амалдары жүргізілуде",- дейді Әл-Фараби ПБ ювеналды полиция бастығының міндетін атқарушы Батырхан Әлиев.

Айта кетейік, мектеп оқушысы Әл-Фараби ПБ-ға жеткізіліп, баланың ата-анасы шақырылған. Ал, жасөспірім қаруды сыныптасынан алғанын және тапаншаны мектепке қайтару үшін алып келгенін айтқан.