Сайысқа 200-ге жуық спортшы қатысып жатыр.
Шымкент қаласында шорт-тректен үлкен және орта жасөспірімдер арасында ҚР чемпионаты басталды, деп хабарлайды ERNUR.KZ.
Жарысқа еліміздің 12 өңірінен, жалпы 200-ге жуық спортшы қатысып жатыр.
Қалалық дене шынықтыру және спорт басқармасының бөлім басшысы Шоқан Әбдіхалықов, шорт-тректен ҚР мемлекеттік жаттықтырушысы Азамат Әлиев жарыстың ашылу рәсімінде спортшыларға сәттілік тіледі.
Мемлекеттік жаттықтырушы А.Әлиев жылдан жылға қатысушылар саны және спортшылардың шеберліктері артып келе жатқанын атап өтті.
Осы жарыста жеңімпаз және жүлдегер болғандар ұлттық құрамаға еніп, олар алдағы уақытта халықаралық жарыстарға қатысады.
Шорт-трек спорты Шымкент қаласында қарқынды дамып келеді. Аз уақыт ішінде ұлттық құрамаға енген спортшылар жеткілікті.
ҚР чемпионатында қаладан 15 спортшы бақ сынайды.
Айта кетейік, аталған жарыс төрт күнге созылады.
Айта кетейік, аталған жарыс төрт күнге созылады.
