Тазалық жұмыстары күнделікті таңертең және кешкі ауысымда тұрақты жүргізілуде.
Шымкент қаласы Қаратау ауданы аумағында санитарлық тазалық жұмыстары жүйелі атқарылуда, деп хабарлайды ERNUR.KZ.
Қала әкімінің барлық аудан аумағында санитарлық тазалық жұмыстарын жүйелендіру жөніндегі тапсырмасына сәйкес, Қаратау ауданының әкімі А.Әліқұлов ауданда тазалық жұмыстарын күнделікті тұрақты атқару бойынша тапсырма берді.
Аталған тапсырма аясында бүгінде аудан аумағында тазалық жұмыстары күнделікті таңертең және кешкі ауысымда тұрақты жүргізілуде.
Аудан аумағында орталық және ішкі орам көшелердегі санитарлық тазалық жұмыстарын «Жасыл жер» ЖШС жүргізеді. Мекеме тарапынан ауданда кезекті тазалық жұмыстары атқарылды.
Іс-шара барысында көшелерге су себіліп, арықтар қоқыстардан тазартылды. Сонымен бірге, аулалардығы қатты тұрмыстық қалдықтар шығарылды.
Айта кетсек, аталған бағыттағы жұмыстар аудан аумағында өз жалғасын табатын болады.
