Диспетчерлік бақылау жұмыстары толық автоматты басқару жүйесі арқылы іске асырылады.
Шымкент қаласындағы "Диспетчерлік қызмет орталығы" күнделікті 870-тен астам автобусты бақылайды, деп хабарлайды ERNUR.KZ.
Шымкент қаласы Жолаушылар көлігі және автомобиль жолдары басқармасына қарасты "Диспетчерлік қызмет орталығы" коммуналдық мемлекеттік мекемесі 2020 жылы 6-наурызда құрылған.
Мекеме құрылғаннан бастап қаладағы жолаушылар тасымалының инфрақұрылымындағы жаңарту мен күрделі өзгерістерге байланысты қалалық маршрутардың қозғалысының жобалары және жүру сызбалары дайындаумен айналысады.
Жалпы, мемлекеттік мекеме кызметінің мәні шаһардағы қоғамдық көліктерге диспетчерлік қызмет көрсету, кестені сақталуын үздіксіз бақылау және маршруттар бойынша автобустардың және шағын автобустардың қалаларда, қала маңындағы үздіксіз және тұрақты қозғалысың қамтамасыз ету үшін жедел реттеу, сондай-ақ технологиялық процестегі көліктің барлық түрлерімен жолаушылар тасымалдауды үйлестіру болып саналады.
Аталған мекеменің тағы бір қызметі ол - диспетчеризация
Диспетчерлік бақылау жұмыстары толық автоматты басқару жүйесі арқылы іске асырылады. Операторлар қоғамдық көліктерде орнатылған GPS-құрылғылар арқылы нақты уақыт режимде үздіксіз көліктердің бекітілген сызба бойынша жүруін, сызбадан тыс шығуы, GPS-құрылғыларының дұрыс жұмыс жасамауы секілді жағдайларды бақылайды. Егер автобус жүргізушісі жол ережесін бұзған жағдайда, диспетчерлік қызмет орталығы тарапынан басқармамен бірлесе қатаң шара қолданылады. Бұл қоғамдық көлік саласыны жолаушыларды тасымалдау қызметін жақсарту мақсатында жасалып жатыр.
