Шымкенттегі көпқабатты ғимараттарда этно стильдегі мурал салынады

0
459

Бүгінгі таңда муралды салу үшін орын таңдалып, қалалық сәулет басқармасымен келісу жұмыстары жүргізілуде.


Шымкенттегі көпқабатты ғимараттарда этно стильдегі мурал салынады
«Kazakh Tourism» ҰК» АҚ және «Jusan» банкінің бірлескен бастамасы аясында Шымкент қаласында «Креативті art» жобасы бастау алуда, деп хабарлайды ERNUR.KZ.

Бұл туралы Шымкент қаласының туризм, сыртқы байланыстар және креативті индустрия басқармасы басшысының міндетін уақытша атқарушы Азамат Мұратбекұлы брифинг барысында мәлімдеді.

Жобаға сәйкес, қаланың орталық көшелерінің біріндегі көпқабатты ғимаратта «Этно стильдегі мурал» салынатын болады. Бүгінгі таңда муралды салу үшін орын таңдалып, қалалық сәулет басқармасымен келісу жұмыстары жүргізілуде.

Сондай-ақ, креативті индустрия саласында тәжірибе алмасып, халықаралық эксперттерді тарту мақсатында тамыз айында «Креативті апталық» өткізу жоспарлануда.

Кәсіпкерлердің ұсынысы бойынша қалаға келетін қонақтарға арналған креативті тақырыптық маршруттар дайындалып, арнайы буклеттер жасалды.
Одан бөлек, наурыз айында «Шымкент қаласы креативті индустрия ассоциациясымен» бірлесе Нью-Йорк, Милан, Париж секілді ірі сән апталықтарының негізін қалаушылар бастаған 30 шетелдік дизайнерлердің қатысуымен «Responsible Fashion Series» іс-шарасы ұйымдастырылды. Шара барысында қатысушылар «ShymQala» тарихи-мәдени кешенімен танысып, ұлттық киімдердің сән көрсетілімін тамашалады және ұлттық тағамдар дайындаудың шеберлік-сағаттарына қатысты.

Айта кетейік, қазіргі уақытта Шымкент қаласы 8 мемлекеттің 10 қаласымен бауырлас қала ынтымақтастығына ие. Атап айтқанда, Худжанд, Могилев, Байинь, Стивенэйдж, Измир, Паттайя, Ахарнон, Гросетто, Эскишехир, Адана. Сонымен қатар, ҚХР-ның Сиань, Грузияның Кутаиси және Италияның Генуя қалаларымен бауырластық қатынас орнату бойынша келіссөздер жүргізілуде.

2023 жылдың басынан бері Сыртқы байланыстар бөлімімен қала әкімі және қала әкімінің орынбасары деңгейінде шетел өкілдерімен әкімдік ғимаратында 16 кездесу ұйымдастырылды. Кездесу барысында қалада инвестициялық жобаларды жүзеге асыру бойынша шетелдік компаниялармен келіссөздер жүргізілді және елшілердің сыпайылық кездесулері ұйымдастырылды.