Бүгінде арнайы жұмыс тобы құрылып, тұрғын үйді басқарудың жаңа тетігі бойынша онлайн тәртіпте таныстыру және оқыту жүргізілуде.
Азаматтардың мемлекетті басқару ісіне қатысу бағытында атқарылған жұмыстар бойынша Шымкент қалалық Орта сапасы және бақылау басқармасының басшысы Ержан Бекболатов тікелей эфирде сұхбат берді, деп хабарлайды ERNUR.KZ.
– Қалада 2196 көп қабатты тұрғын үй бар. Оның 1612-сінде кондоминиум (бірге иелену) нысаны тіркелген. Бұл жалпы тұрғын үй қорының 73,4%-ын құрайды. Осы бағыттағы жұмысымызды жандандырамыз, - деді Ержан Бекболатов.
Басқарудың жаңа нысандарына көшу және жаңа реформаларды ілгерілету үшін жобалау офисі құрылған. Оның құрамына төрт аудан өкілдері, «Тұрғын үй коммуналдық шаруашылығын жаңғырту мен дамытудың Қазақстандық орталығы» АҚ-ның және «Азаматтарға арналған үкімет» Мемлекеттік корпорациясының өкілдері кіреді. Бүгінде арнайы жұмыс тобы құрылып, тұрғын үйді басқарудың жаңа тетігі бойынша онлайн тәртіпте таныстыру және оқыту жүргізілуде.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
