Шымкенттегі жол жөндеген мердігерлерге ескерту хат жолданды

0
1 452

10 мың метр шамасындағы асфальтбетон жамылғысының отыруы және 127 метр жиектастардың бұзылуы анықталды.


Шымкенттегі жол жөндеген мердігерлерге ескерту хат жолданды

Үшінші мегаполисте жөндеуден өткен жолдардың сапасы тексерілді, деп хабарлайды ERNUR.KZ.

Қаладағы қанағатты жағдайдағы жолдардың үлесі былтырғы жыл қорытындысымен 60 пайызға жеткен. Алғашқы қыстан кейін жөнделген жолдардың сапасына «Жол активтерінің ұлттық сапа орталығы» мен Шымкент қаласының жолаушылар көлігі және автомобиль жолдары басқармасы бірлесе отырып тексеріс жүргізді.
Мамандар магистралды 7 көше мен төрт аудандағы 97 көшенің жиек тастары мен аяқжол өрнек тастарын, асфальтбетон қабатын тексерді. Нәтижесінде 10 мың метр шамасындағы асфальтбетон жамылғысының отыруы және 127 метр жиектастардың бұзылуы анықталған.
Осыған байланысты тапсырыс беруші мекеме кепілдік мерзіміне сәйкес анықталған ақауларды жою үшін мердігер ұйымдарға ескерту хат жолдады. Анықталған кемшіліктер жойылмаған жағдайда келісім-шарттың талаптарына сәйкес айыппұл өндіріліп және жосықсыз өнім берушілер тізіміне енгізу туралы сотқа арыз берілетін болады.
Айта кетейік, анықталған ақауларды жою үшін мемлекеттен қаржы қайта қаралмайды, әрбір мердігер өз қаражаты есебінен кемшіліктерді жоятын болады.