Шымкенттік полицейлер санаторияға шипажайға жолдама алды

0
87

Олар қоғамдық тәртіпті қамтамасыз етіп, халықтың құқығы мен бостандығының қорғалуы жолында ерекше көзге түскен.


Шымкенттік полицейлер санаторияға шипажайға жолдама  алды

1 желтоқсан – ҚР Тұңғыш Президенті күніне орай Шымкент қаласы Полиция департаментінде мерекелік іс-шара өтті, деп хабарлайды ERNUR.KZ.

2019 жылдың 29 қарашасында Шымкент қаласы Полиция департаментінің үлкен мәжіліс залында департамент қызметкерлерінің ұйымдастыруымен Қазақстан Республикасының Тұңғыш Президенті күніне арналған кең ауқымды мерекелік іс-шара өтті.

Аталған мерекелік іс-шараны ашқан Шымкент қаласы Полиция департаментінің бастығы полиция полковнигі Е.М.Жумаханбетов жеке құрамды атаулы мерекемен құттықтады.

Сондай-ақ, қоғамдық тәртіпті қамтамасыз етіп, халықтың құқығы мен бостандығының қорғалуы жолында ерекше көзге түсіп, үздік нәтижелерге қол жеткізгені үшін 80-ге жуық ішкі істер органдары қызметкерлері марапатталды. Оның ішінде Қазақстан Республикасы Ішкі істер министрінің бұйрығымен 11 қызметкер, департамент бастығының бұйрығымен 65 қызметкер марапатталып, 3 қызметкерге Қазақстан Республикасы Ішкі істер органдары мен Ұлттық ұлан ардагерлерінің кеңесімен берілген «Арман» санаториясына жолдама табысталды.

Ал салтанатты жиын соңы өнерлі полиция қызметкерлерінің қатысуымен концерттік бағдарламаға ұласты.

Пікір қалдыруыңыз үшін сайтқа кіруіңіз қажет