Жоғалып кеткен шымкенттік балаға әке-шешесі қысым көрсеткен

0
734

Әкесі баласының жоғалғандығы туралы полицияға тек 1,5 ай өткеннен соң хабарлаған


Жоғалып кеткен шымкенттік балаға әке-шешесі қысым көрсеткен

иллюстрациялық фото: ашық дереккөзден

Осы жылдың 20 қарашасында Әл-Фараби аудандық полиция басқармасының кезекші бөліміне мамыр айында жоғалған жетінші сынып оқушысы Руслан Нортураев келген, деп хабарлайды ERNUR.KZ.

Ол полицейлерге осы уақытқа дейін қайда болғанын және үйден кету себебін толығымен айтып берді.

Русланның сөзінше, әкесі мен өгей шешесі оған күш қолдану арқылы үнемі қысым көрсеткендіктен ол үйінен кетіп қалған. Әкесі оның жоғалғандығы туралы полицияға тек 1,5 ай өткеннен соң хабарлаған.

Полицейлер еріктілермен бірлесіп аталған жайт тіркелгеннен кейін күн сайын Русланды іздеп-табу бойынша жедел іздестіру іс-шараларын жүргізген.

Қазіргі таңда Русланның әкесіне қатысты жауапкершілікке тарту туралы мәселе қарастырылуда. Ал баланың өзі психолог-дәрігерлердің бақылауында. Кәмелет жасқа толмағандар істері жөніндегі инспектор Русланның әрі қарай отбасымен тұруы-тұрмауына қатысты шаралар бойынша жұмыс жасауда.

Еске сала кетейік, бұдан алдын Шымкентте 4 ай бұрын жоғалған 12 жастағы баланың табылғаны жөнінде жазған болатынбыз.


Дереккөз: Шымкент қаласы Полиция департаментінің Баспасөз қызметі

Пікір қалдыруыңыз үшін сайтқа кіруіңіз қажет