Құрамалар 5 орын үшін шеберлік байқасқан еді.
ERNUR.KZ. Таиландтың Накхонратчасима қаласында өтіп жатқан волейболдан әйелдер арасындағы Азия чемпионатында Қазақстан құрамасы Оңтүстік Кореядан басым түсті, деп жазады ҚазАқпарат.
Құрамалар 5 орын үшін шеберлік байқасқан еді. Бұл жолы қазақстандық волейболшылар бірінші сетте 26:24 есебімен жеңсе, екіншісінде 25:23 есебімен басым түсті.
Шешуші үшінші сетте қарсыласын 25:23 есебімен сүріндірді.
Осылайша жалпы есепте 3:0 есебімен жеңіп, қорытынды нәтиже бойынша бесінші орынға тұрақтады.
Ел құрамасы бұдан бұрын плей-офф сатысында Австралияны 3:2 (25:16, 21:25, 19:25, 25:15, 15:12) есебімен тізе бүктірді.
Қазақстандық волейболшылар D тобында Филиппинді тай-брейкте 3:2 (25:21, 17:25, 24:26, 27:25, 15:6), Гонконгты 3:0 (25:16, 25:23, 25:17) есебімен сүріндірсе, Қытайдан 0:3 (12:25, 21:25, 10:25 ) есебімен жеңілді.
Жарыстың одан кейінгі сатысында алдымен Жапонияға 0:3 (13:25, 20:25, 18:25) есебімен есе жіберсе, Үндістаннан 3:0 (25:17, 25:17, 25:21) есебімен басым түсті.
Құрлықтық доданың финалында бүгін, 6 қыркүйекте Таиланд пен Қытай құрамалары кездеседі.
