Қанат Ислам жекпе-жектің жартысынан бастап сынған қолмен жұдырықтасқан

0
1 063

Сол себепті ол қарсыласына ауыр соққы дарыта алмаған.


Қанат Ислам жекпе-жектің жартысынан бастап сынған қолмен жұдырықтасқан

ERNUR.KZ. Кеше ғана намибиялық Уолтер Каутондокваны жеңген қазақстандық боксшы Қанат Ислам соңғы төрт раундта сынған қолмен жұдырықтасқан, деп жазады Vesti.kz.

26 қазанда Алматыда Балуан шолақ атындағы спорт сарайында өткен бокс кешінің басты кездесуінде қос боксшы WBO International белбеуі үшін жекпе-жекке шықты. 10 раундқа созылған жұдырықтасу қорытындысы бойынша, төрешілер жеңісті (97-92, 97-92 және 99-92) Канат Исламға берді. Кездесудің бесінші раундында қазақстандық боксшы қарсыласын нокдаунға түсірді. Жекпе-жектің толық видеосын мына жерден көре аласыздар.

Боксшының командасының өкілдері жетінші раундынан бастап Қанат Ислам жекпе-жекті шынашағы сынғанына қарамастан жұдырықтасқанын айтты. Сол себепті ол қарсыласына ауыр соққы дарыта алмаған. Жекпе-жектен соң боксшының қолына гипс салған.