Дамир Ысмағұлов ММА-да жалғыз рет 2015 жылы жеңілген.
ERNUR.KZ. UFC-дің Twitter-дегі еуропалық аккаунты қазақстандық жекпе-жек шебері Дамир Ысмағұловтың (23-1) Лас-Вегаста өткен UFC Flight Night 188 турниріндегі ойынын жоғары бағалады, деп жазады ҚазАқпарат.
Ысмағұлов бразилиялық боксшы Рафаэль Алвесті (19-10) төрешілердің бір ауыздан қабылданған шешімімен жеңді.
«Не дейік, бұл 18 ойыннан тұратын жеңісті серия болып отыр! Дамир Ысмағұлов – осы дивизиондағы нағыз қауіпті спортшы», - деді UFC-де.
Ысмағұлов ММА-да жалғыз рет 2015 жылы жеңілген. Оның UFC-дегі ойындарына келер болсақ, төрт ойынның төртеуінде де жеңіске жетті – ол Тьяго Мойзесті (15-4), Хоэль Альваресті (18-2), Алекс Горджесті (7-1) және Рафаэль Алвесті (19-10) жеңді.
