Қазақстан құрамасының тағы бір ойыншысы допинг дауына тап болды

0
602

Бұған дейін"Аль-Айнда" өнер көрсеткен Бауыржан Исламхан мен "Тобыл" қорғаушысы Руслан Валиуллин допинг дауына байланысты футболдан шеттетілген болатын.


Қазақстан құрамасының тағы бір ойыншысы допинг дауына тап болды

Қазақстан құрамасы мен "Ақсу" клубының жартылай қорғаушысы Айбол Әбікеннің допинг-тесті оң нәтиже берді, деп хабарлайды ERNUR.KZ vesti.kz-ке сілтеме жасап.

"Ұлттар лигасының плей-офф кезеңіндегі Молдовамен болатын матч алдында «Ақсудың» жартылай қорғаушысы Айбол Әбікеннің допингке қарсы тапсырған тесті оң нәтиже көрсеткен. Сондықтан ол павлодарлық клуб пен "Каспий" арасындағы Премьер-лиганың 9-турындағы ойынға қатысқан жоқ.

Футболшының кінәсі туралы бірдеңе айтуға әлі ерте. Бұл нәтиженің қате екеніне шын жүректен сенгім келеді. Алайда, мұның бәрі шындыққа жанасатын болса, ол екі жылдан аз уақыт ішінде допингпен ұсталған үшінші қазақстандық ойыншы болмақ", - деп жазды дереккөз.

Айбол Әбікен осы маусымның басында "Қайраттан" "Ақсуға" жалдау шарты бойынша ауысқан еді. Содан бері Премьер-лигада жеті матчқа қатысып, үш гол соқты.

Айта кетейік, бұған дейін"Аль-Айнда" өнер көрсеткен Бауыржан Исламхан мен "Тобыл" қорғаушысы Руслан Валиуллин допинг дауына байланысты футболдан шеттетілген болатын.