Өз тобында алты рет жеңіліске ұшыраған Қазақстан командасы көптен күткен жеңіске қол жеткізді.
ERNUR.KZ. Қазақстан хоккейшілері Финляндияда өткен Әлем біріншілігінде Италия командасын 5:2 есебімен ойсырата ұтты, деп жазады Zakon.kz.
Өз тобында алты рет жеңіліске ұшыраған Қазақстан командасы көптен күткен жеңіске қол жеткізді. Бастапқыда итальяндықтармен ойнау оңай болмады. Екі кезең қатарынан Қазақстан командасы аз-кем артықшылыққа ие болды. Бірақ, үшінші кезеңнің ортасына қарай біздің құрама шабуылды үдете түсті.
Бұл ойынның басты ерекшелігі - осы кездесуде жеңіске жеткен команда Әлем біріншілігінің элиталы дивизионындағы орнын сақтап қала алады.
Бұл міндетті қазақстандықтар қиын болса да абыроймен еңсерді.
Қазақстан құрамасынан итальяндықтардың қақпасына гол соққандар: Кертис Волк, Валерий Орехов, Әлихан Әсетов, Роман Старченко және Никита Михайлис
