Шетелдік сарапшы қазақстандық боксшылардың басты бөгетін атады

ERNUR.KZ. Қазақстанның бірқатар мықты боксшысы нашар промоутерлер кесірінен өз әлеуетін аша алмады, деп жазады vesti.kz.

"Қазақстан боксшылары өте талантты. Головкин мен Әлімханұлынан бөлек те жақсылары жетіп артылады. Алайда GGG мен Жәнібектің жолы болып, тәжірибелі промоутерлермен жұмыс істеп жүр. Мамандар уақытты дұрыс пайдаланып, оларды жақсы жетелеп келеді. Ал өзге қазақстандықтардың көбі уақытын бекер жоғалтуда. Жүкембаев, Ахмедов, Дычко мен Елеусінов нашар менеджерлердің құрбаны. Садриддинде жарақат болды, ал өзгелерінде жекпе-жек өткізуге қажеттінің бәрі бар еді. Енді Елеусінов ұзақ айқаспай титулынан айырылды, ал Дычко элитаға кіру мүмкіндігін жоғалтты.