Әкім орынбасарын өлтіруге оқталған күдіктілер ұсталды

0
802

Туыстары алдын ала жоспарланған шабуыл деп болжауда


Әкім орынбасарын өлтіруге оқталған күдіктілер ұсталды

ERNUR.KZ. Түркістан облысы, Төлеби ауданы әкімінің орынбасарын өлтіруге оқталған деген күдікпен екі адам ұсталып, қылмыстық іс қозғалды. Бұл туралы Облыстық ПД баспасөз қызметінің жетекшісі Салтанат Қаракөзова мәлім етті, деп жазады ҚазАқпарат.

Айта кетейік, Төлеби ауданы әкімінің орынбасары Рабиға Бейсебаеваға белгісіз біреулер шабуыл жасап, өлтіруге әрекеттенген. Түскі үзіліс кезінде қызметтік көлігімен үйіне келген сәтте үш тұлға оған қарай бірнеше рет оқ атқан. Әйел еңкейіп, көлігінің есігін құлыптап үлгеріпті. Осы кезде шуды естіген көршілер жиналып, әлгілер қашып кеткен.

Осылайша аудан әкімінің орынбасары аман қалды. Ол тез арада ауруханаға жеткізілді. Туыстары болса бұл алдын ала жоспарланған шабуыл деп болжап отыр. Өңірдің тәртіп сақшыларыбүгін осы қылмысқа қатысы бар деген екі күдіктіні ұстады.

«Бүгін Төлеби ауданы әкімінің орынбасарына жасалған шабуылға қатысы бар деген екі күдікті ұсталды. Төлеби аудандық ІІБ қызметкерлерімен күдіктілерге қатысты Қылмыстық кодекстің «Адам өлтіруге оқталу» бабымен сотқа дейінгі тергеп-тексеру амалдары жүргізілуде. Оқиға орнында жедел тергеу тобы жұмыс істеуде. Оқиғаның барлық мән-жайлары анықталуда. Қазір өзге күдіктілердің тұлғасын анықтау, оларды қолға түсіру бойынша шаралар жүргізілуде»,- дейді Салтанат Қаракөзова.

Еске салайық, Рабиға Бейсебаева бұл қызметті соңғы жеті жылдан бері атқарып келеді.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет