Түзеу мекемелерінен бостандыққа шыққан азаматтарды жұмыспен қамту бойынша жиын өткізіліп, пробация тізімінде тұрған азаматтардың мәселесі талқыланды.
Түркістан облысы, Сарыағаш ауданында консультациялық-кеңесші органның отырысы өтті, деп хабарлайды ERNUR.KZ тілшісі.
Сарыағаш аудан әкімдігінің мәжіліс залында аудан әкімдігі жанындағы қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру бойынша консультациялық-кеңесші органның отырысы болып өтті.
Отырыстың күн тәртібінде екі мәселе қаралды. Олар - пробация қызметінде тіркеуде тұрған және рақымшылық етілген азаматтар мен атқарылған жұмыстар және пробация қызметінде тіркеуде тұрған және түзеу мекемелерінен бостандыққа шыққан азаматтарды жұмыспен қамту және 1% квотаның орындалуы.
Күн тәртібіндегі мәселелер бойынша Сарыағаш аудандық пробация қызметі бөлімі басшысының міндетін уақытша атқарушы А.Байтеннің және халықты жұмыспен қамту орталығының директоры Д.Динашованың баяндамалары тыңдалды. Жиынға консультациялық-кеңесші органның мүшелері қатысты.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
