ОҚО-да осы жылы жеке құрылыс компаниялардың қатысуымен 104 көпқабатты тұрғын үйдің құрылысы қарқынды түрде жүргізілуде. Бұл 413,9 мың шаршы метр болатын 5 122 пәтер. Осы тұрғын үйлердің 30-ы, яғни, 1 454 пәтер биылғы жылдың соңында пайдалануға тапсырлады. Аталған тұрғын үйлер «7-20-25» бағдарламасы шеңберінде халыққа берілетін болады, деп хабарлайды ERNUR.KZ тілшісі ОҚО әкімінің баспасөз қызметіне сілтеме жасап..
Бұл бастама арқылы облыстағы тұрғын үй кезегіндегі 60 мың азаматтың, жер кезегіндегі 220 мың азамттың және «Тұрғынүйжинақ» банкіндегі 61 мың салымшының баспана мұқтажын шешеді.
Бұдан бөлек,«Шымкент Сити» қалашығында «7-20-25» бағдарламасы аясында 100-ден астам көпқабатты тұрғын үй салуға қызығушылық танытқан жергілікті 20-ға тарта инвесторлармен келіссөздер жүргізіліп жатыр. Нәтижесінде жыл қорытындысымен 780,2 мың шаршы метр тұрғын үй пайдалануға беріледі деп жоспарлануда.
